Abenduaren 29rarte ikusgai egongo dira Carlos Santamaria Zentroan 2016 eta 2017ko nanoKOMIK edizioetan sortutako nanofikziozko komiki parte-hartzaileak.

2016ean, erronka fasean sortutako ideia originalenak abiapuntutzat hartuz “Dayanne eta Murillo. Nanozientziaren indarra” komikia sortu zen Hodei Iparragirre marrazkilariaren laguntzaz. 2017an berriz, helduen kategorian irabazle suertatu diren Aska, José Sénder eta Rubén Molina marrazkilariak izan dira nanofikziozko komikietako istorioak irudikatzeaz arduratu direnak.

Baina zer da nanofikzioa? Gerturatu zaitez erakusketara jakin nahi baduzu, doakoa da eta.